lunes, 2 de mayo de 2011

O PROXECTO: A parte de xestión empresarial

Aquí tedes un guión que pode servirvos de referencia para realizar esta parte do proxecto. Iso sí, a empresa debe xerar beneficios (ter ánimo de lucro) ou ben permitir obter uns ingresos aos partícipes da mesma (cabe a posibilidade de ser unha cooperativa de traballo na que, ainda que non hai ánimo de lucro, os socios obteñen uns ingresos que lle permitan sobrevivir ou complementar outros ingresos que teñan fóra da empresa). É dicir, a empresa ten que ser viable economicamente.

  • Forma xurídica elixida (xustificando a elección)
  • Análise DAFO (debilidades, ameazas, fortalezas e oportunidades do voso proxecto)
  • Estudo de mercado ou datos que confirmen a viabilidade do negocio.
  • Trámites.
  • Capital necesario. Indicando cales van ser os principais investimentos ou desembolso necesarios para o funcionamento da empresa.
  • Outras fontes de financiamento (préstamos, subvencións, leasing, etc)
  • Previsión de gastos e ingresos anuais. E por diferencia o resultado estimado nos primeiros anos (lembrade que os dous primeiros anos son os máis duros e é posible soportar perdas ou baixos ingresos se existen perspectivas fundadas de obter maiores ingresos cando se consolide a empresa).
  • Fiscalidade da empresa (lembrade que é un gasto máis)
  • Se houbese traballadores contratados: Tipo de contrato e Seguridade Social (lembrade que ademais do salario base e complementos hai que pagar a Seguridade Social, que supón aproximadamente un 30% dese salario).
  • Estratexias de Marketing.
Avaliarase positivamente a esquematización destes datos, mediante táboas ou esquemas.

Para calquera dúbida enviade unha mensaxe ao meu correo tomas@edu.xunta.es

lunes, 7 de febrero de 2011

O I.V.E. teoría e exercicios

Pincha neste enlace para descargar o documento.

A xestión administrativa da empresa

Podes descargar este documento que da unha breve introdución á xestión e documentos administrativos da empresa.

Tamén podes descargar un modelo de:

lunes, 24 de enero de 2011

FISCALIDADE: EXERCICIOS DE REPASO


Uns cantos exercicios que poden servir de repaso no tema de fiscalidade da empresa (IRPF estimación directa, IRPF estimación obxectiva, Imposto de sociedades, IVE).


jueves, 16 de diciembre de 2010

Pensando no futuro

No mes de abril teredes que facer o proxecto, no que a parte empresarial é de vital importancia. Así que aquí tedes un artículo da revista Emprendedores que pode introducirvos no tema, con un exemplo de negocio no sector da educación infantil, con un marxe de beneficio de entre o 15 e o 30%.
Observade que, como en todos os negocios, nun principio os gastos son moitos e os ingresos non chegan para cubrilos. Pero ao final do primeiro exercicio comezan a asomar as cifras positivas.

Lembra que esto só é un artículo, que tes outros negocios tipo na páxina de BIC GALICIA (que utilizaches na actividade 1), e que o proxecto debe ser orixinal e non copia de ningún outro.

miércoles, 10 de noviembre de 2010

un proxecto empresarial fin de curso

Googlelandia e a súa cultura empresarial


Para ver como se motivan os traballadores de Google, basta con ver as súas oficinas en Zurich, tamén chamadas “Googelandia

Dous españois dirixen en Google a comunidade Panoramio, que está ilustrando con fotografías os mapas do buscador.
Eduardo Manchón e Joaquín Cuenca teñen 31 anos, mozos como todo o persoal, e comparten lugar de traballo con dous compañeiros. Nos seus intres libres xogan ao Guitar Hero ou ao billar ou visitan a sala de relaxación decorada con acuarios repletos de peixes de cores, e son os fundadores de Panoramio, o sistema que permite publicar fotografías nos mapas vía satélite de Google Earth, que o buscador comprou en maio de 2007.
Nunca se soubo canto gañaron con esta compra. Eles aseguran que non tanto como para retirarse para sempre ("dependendo do que gastes") e o que lles motiva é seguir adiante co seu proxecto, ao que máis dunha vez cualifican de "o noso neno".
Xa hai cinco millóns de fotos en Panoramio, que ensinan un monumento ou lugar no punto exacto onde foi tomada. "Fotografar todo o mundo? Depende de ata onde queira chegar a comunidade", asegura Eduardo, quen subliña que en Panoramio son os usuarios quen marcan a dirección do proxecto.
"O sistema é o que mide a popularidade das fotos, dependendo da calidade, o tamaño ou as visitas que recibiu. Non se poden desvelar todos os segredos", comenta Eduardo, quen recoñece que hai certos sitios onde hai unha gran competitividade, como a Torre Eiffel, a Estatua da Liberdade ou a Praza de San Pedro no Vaticano. "Pero cada vez hai máis interese por mostrar sitios recónditos, ser o primeiro en publicar unha foto de determinada zona é tamén motivo de orgullo", engade Joaquín.
"Sempre vimos que Panoramio encaixaba perfectamente con Google", di Eduardo a quen se lle fai difícil pensar que tan só pase un ano e medio desde que lanzasen o Panoramio.
Os dous traballaban fóra de España. Joaquín en Paris como programador, e Eduardo en Alemaña como consultor independente. Un día Joaquín mostroulle a Eduardo como encaixara a foto da súa casa no Google Earth, e a partir de aí puxéronse a traballar. Un das súas grandes vantaxes foi ser unha das primeira aplicacións desenvolvidas para Google Earth, o que lle facilitou estar en contacto coa compañía, que en poucos meses, engadiulles como un enlace dentro do seu mapamundi interactivo. "Nunca pensamos que ían incorporar directamente as fotos en Google Earth. Multiplicamos por 30 o noso tráfico nun só día", recordan ambos aínda con asombro. A partir de alí, o conto de fadas, fíxose realidade.

jueves, 7 de octubre de 2010

Experiencias emprendedoras


Tes no ENLACE moitas experiencias de emprendedoras reais que resultan orixinais, recollidas de diferentes números da revista emprendedores.

Poñamos o exemplo de PANORAMIO:
2 españois inventaron o programa informático PANORAMIO que permite ver e baixar fotografías de lugares para o Google Earth. Investiron na idea 77€ (7 do dominio e 70 do aluguer do servidor), e venderon a idea a Google. Nunca se soubo canto gañaron con esta compra. Eles aseguran que non tanto como para retirarse para sempre e o que lles motiva é seguir adiante co seu proxecto, ao que máis dunha vez cualifican de "o noso neno". Agora traballan na sede central de Google en Zurich.
Xa hai millóns de fotos en Panoramio, que ensinan un monumento ou lugar no punto exacto onde foi tomada.

viernes, 10 de septiembre de 2010

Programación do módulo


Quero darvos a benvida ao novo curso, lembrándolle a quen sufra de depresión postvacional que debe animarse porque o 2º curso é moito máis curto e que, cando vos dedes conta, este xa terá rematado.

Este módulo de Empresa e Iniciativa Emprendedora vai resultarvos moi diferente ao resto das materias, pero non debedes ver isto como un problema, senón como uns coñecementos que vos permiten desconectar durante un rato dos módulos relacionados coa vosa profesión ademais de seren de moita utilidade se algún vos decidides a dar o gran paso de montar a vosa a propia empresa, sexa neste o noutro campo.

Adxunto un enlace coa programación da materia para que poidades ver os contidos, criterios de avaliación, etc.

Algúns términos económicos en galego

miércoles, 18 de noviembre de 2009

ACTIVIDADE 7: O PUNTO MORTO

Realizade un proxecto de escola infantil no que se detallen custos (fixos e variables) e ingresos. Calculade o punto morto (nº de alumnos necesarios para comezar a obter beneficio) e o beneficio para distintos graos de ocupación do centro.

Tedes que facelo nunha folla de cálculo (reprimide o grito de pánico), pero como non se trata de aprender Excel, a continuación tedes un suposto resolto con outras cifras que debedes analizar, tratar de comprendelo e despois modificar cos datos do voso proxecto de escola infantil (... agora xa podedes gritar).

miércoles, 11 de noviembre de 2009

Simulador de empresas RETOALCOA


A fundación Alcoa ofrece a posibilidade de participar nun concurso de simulación empresarial competindo con equipos de outros centros educativos: RETOALCOA
Seredes as directoras dunha empresa e, en definitiva, teredes que tomar as decisións que leven á compañía a ter unha alta rendibilidade.

As empresas "fabrican" un produto novidoso e revolucionario, de gran contido tecnolóxico.

As decisiones serán sobre o Prezo do produto, o investimento en Marketing, I+D, Produción e Capacidade de Planta. Analizaredes informes industriais, informes internos de compañías, balances de empresas, faredes estratexias de marketing...Teredes que dar todos estes pasos para introducir as mellores decisións.
A primeita toma de decisións ten lugar do 4 de decembro ao 12 de xaneiro.

miércoles, 4 de noviembre de 2009

Outra nova idea de negocio


Un servizo de taxi en moto nas grandes cidades supón un aforro de tempo e diñeiro á hora de desprazarse polas grandes urbes.

Outras cidades dispoñen tamén deste servizo, así como de bici-taxis (en Londres, Newyork, Amsterdam, Barcelona ou Málaga).

podes ver a noticia e un vídeo no enlace: Moto-city


martes, 20 de octubre de 2009

A resposabilidade social na empresa

Podes ver o trailer do documental "Non á venda", que fala da responsabilidade social das grandes empresas multinacionais


Posteriormente contesta ás seguintes cuestións:
  1. ¿Que se entende por responsabilidade social da empresa ou responsabilidade social corporativa? Busca en http://www.observatoriorsc.org/ e noutras fontes que o complementen.
  2. Entra na páxina web de Inditex e fai un resumo das normas de conduta que ten a compañía. Expresa tamén unha opinión ao respecto.
  3. Entra no informe do Observatorio de Responsabilidade Social Corporativa e indica os criterios (os 5 que creas máis destacables) que siguen para cualificar unha empresa de responsable socialmente (páx. 124) e despois elabora unha lista coas 10 empresas máis éticas do Ibex-35 e as 10 menos éticas (páx. 142)

lunes, 19 de octubre de 2009

A imaxe corporativa

Comproba até que punto coñeces a imaxe corporativa de diferentes nmarcas no seguinte vídeo.
A ver se eres quen de adiviñar a marca antes de que apareza o seu nome

A cultura empresarial



Entra no enlace, busca outros enlaces na Internet e contesta as seguintes preguntas:
· ¿Que é a cultura empresarial?.
· Pon algún exemplo que ilustre esa cultura empresarial (a ser posible diferente ao que figura nese texto).

jueves, 15 de octubre de 2009

Outra experiencia copiada como idea de negocio


Montan un párking «low cost» para competir co que hai no aeroporto de Alvedro
O novo parque de estacionamento, ubicado en Almeiras, conta con 165 plazas, recolle o coche na terminal e devólvello ao cliente lavado sen custo adicional. Tamén Vigo conta con un servizo similar.

Pero a primeiro de Galiza en desenvolver esta experiencia foi unha empresa no aeroporto compostelán de Lavacolla onde, debido ao éxito, é necesario reservar praza con antelación.

Contan con información a tempo real das chegadas dos voos o que lles permite entregarte o teu coche limpo á porta da terminal cando saes.


martes, 6 de octubre de 2009

A idea de negocio


Unha escola infantil de Vigo copia unha idea experimentada por outra de Granada, consistente en abrir un sábado pola noite cada mes para que os pais "teñan intimidade". Podes ver de forma máis detallada esta nova no ENLACE (outro enlace doutro xornal)

(ACTIVIDADE VOLUNTARIA: Poderías buscar a nova de Vigo na rede e publicala no teu blog)

Novas experiencias na aprendizaxe dos nenos de 3 anos que poden ser aplicadas nunha nova idea de negocio que a diferencie do resto de escolas infantiles.

Outras ideas de negocio alleas ao noso ciclo, pero curiosas:
  • unha nova bici eléctrica que promete revolucionar o mercado (xa veremos...), é manexable e fácil de transportar unha vez chegado ao punto de destino.

http://www.yikebike.com/